ربنا موجود....كلمات تلمس القلب

كان ليَّ ناس مِن قلبي كانوا قُرَيِّبين
علي راحتي ويَّاهُم قوي. وِحْنَيِّنين
كُنَّا بِنِوْحَش بَعض, مش لو فات يومين-
- لوفات علي بعادنا يَدوب حَبِّة ساعات

أيَّام جميله ..خَدوها ويَّاهُم وراحوا
أيَّام طويله.. وقلبي مِستَحمِل جِراحُه
لكِن يا قلبي لو صَحيح مش موجودين
رَبِّنا مَوجُود وِعَندُه تَعزِيات

بيمِد إيدُه يشيل دُموع المَجروحين
ويمِد جِسر الفَرح لِلقَلب الحَزين
بيه هاأكتِفي ده حبيب وَفِي وصَديق أمين
وِهُوَّ هَيعَوَّضني عَن كُل إللي فات

وإنتَ ماسِكني يا ربِّي مِن إيدي اليمين
يا رَبِّي وإنتَ معايا أنا هاأحتاج لمين
تِهرَب هُموم قلبي وأتعاب السِّنين
أوِّل ما باجي جُوَّه في سِترَك وأبات

شكرا على المرور والرد على الموضوع ربنا يبارك حياتك ويعوض تعب محبتك